Methi Matar Paneer Recipe:
Agar aap restaurant jaisa creamy aur flavorful Methi Matar Paneer ghar par banana chahte hain, to ye recipe aapke liye perfect hai. Fresh methi leaves, soft paneer aur hare matar ka combination is dish ko bahut hi delicious aur nutritious banata hai. Ye North Indian curry roti, naan, paratha aur jeera rice ke saath bahut accha lagta hai.
Is article me hum aapko step-by-step restaurant style Methi Matar Paneer Recipe banana sikhane wale hai.
Methi Matar Paneer Kya Hai?
Methi Matar Paneer ek famous North Indian curry hai jisme fresh methi leaves, green peas aur paneer ko creamy onion-tomato ki gravy me pakaya jata hai. Iska halka kadwa-pan aur creamy texture hi ise khaas banata hai.
Preparation Time:
- Preparation Time – 20 Minutes
- Cooking Time – 30 Minutes
- Total Time – 50 Minutes
- Servings – 3-4 log
Ingredients:
Main Ingredients:
- 250 gram Paneer (cubes)
- 2 cup Fresh Methi Leaves (clean aur chopped)
- 1 cup Green Peas
- 2 Medium Onion (finely chopped)
- 2 Medium Tomato (puree)
- 2 Green Chillies
- 1 tbsp Ginger Garlic Paste
- 2 tbsp Fresh Cream
- 2 tbsp Oil
- 1 tbsp Butter
Whole Spices:
- 1 Bay Leaf
- 1 inch Cinnamon stick
- 2 Green Cardamom
- 3 Cloves
- 1 tsp Cumin Seeds
Powder Spices:
- ½ tsp Turmeric Powder
- 1 tsp Red Chilli Powder
- 1 tsp Coriander Powder
- ½ tsp Roasted Cumin Powder
- 1 tsp Garam Masala
- Salt as per taste
- 1 tsp Kasuri Methi
Methi Matar Paneer Banane Ki Vidhi:
Step 1:
Sabse pahle aap Fresh Methi leaves ko achhi tarah dho kar barik kaat lijiye. Phir Paneer ko cubes me kaat lijiye.
Step 2:
Ab ek pan me oil aur butter garam karein. Uske baad Cumin, bay leaf, cinnamon, cloves aur cardamom daal kar halka bhun lijiye.
Step 3:
Ab chopped onion daal kar golden brown hone tak bhunein. Aur uske baad Ginger garlic paste aur hari mirch ko add karein.
Step 4:
Ab Tomato puree ko daal kar 8–10 minute tak acche se pakayein jab tak masale ke upar rogan na aa jaye.
Step 5:
Ab haldi powder, lal mirch powder, dhania powder aur namak daal kar acche se mix karein.
Step 6:
Ab Fresh methi leaves ko add karein aur phir 4–5 minute tak pakayein.
Step 7:
Ab Green peas ko daal kar 5 minute tak cook karein.
Step 8:
Ab thoda pani add karein. Aur 5 minute tak simmer (Ubaal) hone dein. phir uske baad cube me kate hue paneer ko add karein.
Step 9:
Ab Fresh cream, garam masala aur kasuri methi ko add karke 2 minute aur pakayein.
Step 10:
Ab Butter aur coriander leaves se garnish karke garma-garam serve karein.
Chef Lavkush Special Tips:
- ✅ Methi ko dhone ke baad achhi tarah sukha kar hi kaatein.
- ✅ Paneer ko 5 minute gungune paani me bhigo kar use karein, isse paneer soft rehta hai.
- ✅ Cream aur kasuri methi hamesha end me add karein, isse restaurant-style flavour aata hai.
Recipe Variations:
Dhaba Style Methi Matar Paneer:
Isme bas Butter aur thoda extra cream ko use karein. aur dhaba style methi matar paneer ready hai.
No Cream Version:
Aap bas Fresh curd ya milk ka use karein. phir kya no cream version ready hai.
Vegan Version:
Paneer ki jagah tofu aur cream ki jagah coconut cream use karein. Vegan Version ready hai.
Spicy Version:
Hari mirch aur Kashmiri chilli powder ko aur add karein phir aapka spicy version ready hai.
Restaurant Style Version:
Aap isme Cashew (Kaju) paste aur butter add karke rich gravy bana sakte hain.
Health Benefits:
- Protein se bharpur.
- Calcium ka accha source.
- Methi digestion me madad karti hai.
- Green peas fiber aur vitamins provide karte hain.
- Balanced family meal ke liye perfect.
Nutrition (Approx Per Serving):
- Calories – 340 kcal
- Protein – 16 g
- Carbohydrates – 15 g
- Fat – 24 g
- Fiber – 5 g
Serving Suggestions:
- Butter Naan
- Tandoori Roti
- Laccha Paratha
- Jeera Rice
- Plain Rice
- Garlic Naan
Storage Tips:
- Refrigerator me airtight container me 2 din tak store kar sakte hain.
- Reheat karte waqt thoda milk ya pani add kar dein.
Common Mistakes:
- ❌ Tomato ko kam pakana.
- ❌ Paneer ko zyada der tak pakana.
- ❌ Cream ko shuru me add kar dena.
- ❌ Kasuri methi skip karna.
FAQs:
Kya Frozen Matar Use Kar Sakte Hain?
Haan, frozen green peas bhi use kar sakte hain.
Kya Kasuri Methi Zaroori Hai?
Restaurant-style flavour ke liye kasuri methi recommend ki jati hai.
Kya Cream Skip Kar Sakte Hain?
Haan, Cream ke jagah par doodh ya dahi ka use kar sakte hain.
Kya Ye Recipe Lunch Aur Dinner Dono Ke Liye Suitable Hai?
Bilkul, ye recipe lunch aur dinner dono ke liye suitable hai.
Conclusion:
Methi Matar Paneer Recipe ek creamy, healthy aur delicious North Indian curry hai jo ghar par aasani se banai ja sakti hai. Agar aap restaurant-style taste chahte hain, to is recipe ko zarur try karein aur apne parivaar ke saath enjoy karein.
Click here: (https://cheflavkush.com/kachumber-salad-recipe/)
Hi, I’m Lavkush Yadav, a professional chef with hands-on restaurant kitchen experience. At Chef Lavkush, I share restaurant-style recipes, practical cooking tips, and easy step-by-step guides to help you recreate delicious dishes at home. Every recipe is carefully written to make home cooking simple, tasty, and enjoyable.