Veg Kebab Recipe:
Agar aapko bhi restaurant-style crispy aur tasty Veg Kebab pasand hai, to aap ise ghar par bhi bahut aasani se bana sakte hain. Veg Kebab ek delicious vegetarian snack hai jo bahar se crispy aur andar se soft aur flavorful hota hai.
Is recipe mein hum 1 kg mixed vegetables ka use karenge. Isme vegetables ke saath potato, spices aur binding ingredients ka perfect combination rakha gaya hai, jisse kebab easily shape mein aate hain aur frying ke time toot-te nahi hain.
Aap Veg Kebab ko evening snack, party starter, breakfast ya kisi special occasion par serve kar sakte hain.
Veg Kebab Banane Ke Liye Ingredients:
Mixed Vegetables – 1 kg
Aap mixed vegetables mein ye vegetables use kar sakte hain
- Carrot – 250 g
- Green Peas – 200 g
- Cauliflower – 200 g
- French Beans – 150 g
- Sweet Corn – 100 g (Optional hai)
- Capsicum – 100 g
Other Ingredients:
- Potato – 300 g, boiled
- Onion – 150 g, fine chopped
- Ginger – 20 g, fine chopped
- Green Chilli – 20 g, fine chopped (Aap apne hisaab se kam bhi rakh sakte hai)
- Coriander Leaves – 30 g, chopped
- Bread Crumbs – 150 g
- Corn Flour – 50 g
- Roasted Gram Powder – 50 g
- Garam Masala – 10 g
- Red Chilli Powder – 8 g
- Cumin Powder – 5 g
- Coriander Powder – 8 g
- Chaat Masala – 8 g
- Black Pepper Powder – 3 g
- Kastoori Methi – 5g (Optional hai)
- Salt – as per taste
- Lemon Juice – 15 ml (Optional hai)
- Oil – for frying
Veg Kebab Kaise Banaye?
Step 1: Vegetables Prepare Karein
- Sabhi mixed vegetables ko achhi tarah wash karke clean kar lein.
- Carrot, beans, cauliflower, peas aur sweet corn ko small pieces mein cut kar lein. Vegetables ko bahut zyada paani mein boil na karein, kyunki extra moisture se kebab ka mixture loose ho sakta hai.
- Vegetables ko steam ya lightly cook karein jab tak woh soft ho jayein.
- Aap frogen mixed vegetables use kar sakte hai. Lekin frogen vegetables ko acche se thawing karne ke baad me hi use karein.
Step 2: Mixed Vegetables Ka Extra Water Kaise Nikalein?
- Cooked vegetables ko thoda thanda hone dein.
- Ab ek white kapdha lein. Aur usme vegetables ko daalkar uska saara pani nichodh lein.
- Ab vegetables ko mash ya mixer grinder me grind karein. Dhyan rakhein ki vegetables ka paste bahut smooth na ho. Thoda coarse texture rehne se kebab ka texture aur achha aata hai.
- Agar vegetables mein moisture zyada hai to unka extra water achhi tarah drain kar dein.
Step 3: Potato Prepare Karein:
- Boiled potatoes ko peel karke achhi tarah se mash kar lein.
- Potato Veg Kebab ke mixture ko binding dene mein help karega aur kebab ko shape dena easy ho jayega.
Step 4: Kebab Mixture Banaye:
Ab ek food pan lein aur usme cooked mixed vegetables aur mashed potato add karein.
Ab isme:
- Chopped onion
- Ginger
- Green chilli
- Coriander leaves
- Bread crumbs
- Corn flour
- Roasted gram powder
- Garam masala
- Red chilli powder
- Cumin powder
- Coriander powder
- Chaat masala
- Black pepper powder
- Salt
- Lemon juice
- Ye sab add karein. Aur sabhi ingredients ko achhi tarah se mix karein.
- Mixture ko check karein. Agar mixture bahut soft ya sticky lag raha hai to thoda aur bread crumbs add kar sakte hain.
Step 5: Veg Kebab Shape Dein:
- Haath par halka sa oil laga lein.
- Mixture ka ek portion lekar round, oval ya tikki shape mein kebab bana lein. Aap tikki ki size 20-25 g ki rakh sakte hai.
- Aap restaurant-style presentation ke liye kebab ko ek jaisi size aur thickness mein bana sakte hain.
Step 6: Kebab Fry Karein:
- Ek pan mein oil heat karein.
- Oil ko medium heat par rakhein. Kebab ko carefully hot oil mein place karein.
- Kebabs ko medium flame par golden brown aur crispy hone tak fry karein.
- Kebab ko baar-baar turn na karein. Jab ek side golden brown ho jaye tab dusri taraf turn karein.
- Jab dono sides crispy aur golden brown ho jayein, to kebab ko oil se nikaal kar kitchen tissue par rakh dein.
Veg Kebab Ko Crispy Banane Ke Tips:
- Vegetables mein extra water bilkul na rehne dein.
- Mixture bahut wet hoga to kebab frying ke time break ho sakta hai.
- Bread crumbs aur roasted gram powder binding ke liye useful hain.
- Oil ko bahut zyada hot na karein.
- Kebab ko medium flame par fry karein.
- Kebab ko fry karte waqt pan ko overcrowd na karein.
- Shape banane ke baad 10–15 minutes refrigerator mein rakhne se kebab aur hard (firm) ho sakte hain.
Veg Kebab Kaise Serve Karein?
- Crispy Veg Kebab ko hot serve karein.
- Aap ise mint chutney, coriander chutney, tomato ketchup, onion rings aur lemon wedges ke saath serve kar sakte hain.
- Party ya restaurant-style serving ke liye kebabs ke upar thoda chaat masala aur chopped coriander garnish kar sakte hain.
Veg Kebab Recipe – FAQs
Q1. Kya Veg Kebab bina deep fry kiye bana sakte hain?
Haan, Veg Kebab ko shallow fry, air fry ya oven mein bhi cook kiya ja sakta hai. Lekin Deep frying se kebab zyada crispy milta hai.
Q2. Veg Kebab tootne se kaise bachaye?
Vegetables ka extra moisture remove karein aur mixture mein sufficient bread crumbs, corn flour ya roasted gram powder use karein. Aur haa zyada patato bhi nahi daalna hai.
Q3. Kya Veg Kebab ko pehle se prepare kar sakte hain?
Haan, kebab mixture aur shaped kebabs ko pehle se prepare karke refrigerator mein rakh sakte hain. Fry karne se pehle unhe room temperature par thodi der rakhna better rahega.
Q4. Veg Kebab ke saath kya serve karein?
Veg Kebab ke saath mint chutney, coriander chutney, ketchup, onion rings aur lemon wedges serve kar sakte hain.
Conclusion:
Veg Kebab Recipe ek tasty aur crispy vegetarian snack hai jo ghar par easily banaya ja sakta hai. 1 kg mixed vegetables ke saath banaya gaya ye Veg Kebab family gathering, party, evening snack ya special occasion ke liye perfect option hai.
Aap vegetables ko properly cook karke unka extra moisture remove karein aur mixture ki consistency sahi rakhein. Isse aapke Veg Kebab crispy, flavorful aur restaurant-style banenge.
Agar aapko ye recipe pasand aaye, to ise ghar par zaroor try karein aur apne family members ke saath enjoy karein.
Next Post: Tandoori Chicken Wings Recipe
Hi, I’m Lavkush Yadav, a professional chef with hands-on restaurant kitchen experience. At Chef Lavkush, I share restaurant-style recipes, practical cooking tips, and easy step-by-step guides to help you recreate delicious dishes at home. Every recipe is carefully written to make home cooking simple, tasty, and enjoyable.